Sien julle by die Napso-privaatskolenaweek
Heerlik op die platteland
Napso bied saam met Elnatan die immergewilde sportgeleentheid op Stampriet aan.
Die Napso-privaatskolenaweek, een van die land se grootste skolesportbyeenkomste, vind tans op Stampriet by die Privaatskool Elnatan plaas.
Teen druktyd is daar al ’n hele Woensdag se sport agter die rug, maar lê daar nog heelwat opwinding tot Saterdag voor.
Die tema, Prysloos Platteland, word ten volle uitgebeeld om die dorp te vier.
Elke dag word talle netbal-, hokkie-, en rugbywedstryde gespeel – van tjokkers tot eerste spanne. Verder is daar jukskei, skaak, boogskiet en tennis op die spyskaart om leerlinge se vaardighede in dié sportkodes te beproef.
’n Hoogtepunt is die Mnr. en Mej. Privaatskole-kompetisie waar kroondraers van elke skool se onderskeie kompetisies mekaar die stryd aansê om te bepaal wie die uiteindelike wenner sal wees.
Elke deelnemende skool bring ook hul eie gelukbringer (mascot) saam om gees onder die leerlinge en ondersteuners te bou. Bykans elke dier wat voorgestel kan word, is hier te siene – van ’n renoster en ’n arend tot ’n springbok.
Die afwagting vir hierdie byeenkoms bou reeds maande lank op en word nou uiteindelik ’n werklikheid. Die bywoning is so goed dat gastehuise sedert verlede jaar reeds vol bespreek is en ondersteuners nou noodgedwonge sover as 100 km buite die dorp moet bly.
Só word die plattelandse gemeenskap en dorpe ook finansieel ondersteun.
Die My Zone-span is ook op Stampriet en daar word talle aktiwiteite beplan, veral met die nuwe Synergi Chatbot waarmee ’n mens aan kompetisies kan deelneem. Stoor die nommer 085 785 6231 om deel te neem.
Sien julle daar!
Teen druktyd is daar al ’n hele Woensdag se sport agter die rug, maar lê daar nog heelwat opwinding tot Saterdag voor.
Die tema, Prysloos Platteland, word ten volle uitgebeeld om die dorp te vier.
Elke dag word talle netbal-, hokkie-, en rugbywedstryde gespeel – van tjokkers tot eerste spanne. Verder is daar jukskei, skaak, boogskiet en tennis op die spyskaart om leerlinge se vaardighede in dié sportkodes te beproef.
’n Hoogtepunt is die Mnr. en Mej. Privaatskole-kompetisie waar kroondraers van elke skool se onderskeie kompetisies mekaar die stryd aansê om te bepaal wie die uiteindelike wenner sal wees.
Elke deelnemende skool bring ook hul eie gelukbringer (mascot) saam om gees onder die leerlinge en ondersteuners te bou. Bykans elke dier wat voorgestel kan word, is hier te siene – van ’n renoster en ’n arend tot ’n springbok.
Die afwagting vir hierdie byeenkoms bou reeds maande lank op en word nou uiteindelik ’n werklikheid. Die bywoning is so goed dat gastehuise sedert verlede jaar reeds vol bespreek is en ondersteuners nou noodgedwonge sover as 100 km buite die dorp moet bly.
Só word die plattelandse gemeenskap en dorpe ook finansieel ondersteun.
Die My Zone-span is ook op Stampriet en daar word talle aktiwiteite beplan, veral met die nuwe Synergi Chatbot waarmee ’n mens aan kompetisies kan deelneem. Stoor die nommer 085 785 6231 om deel te neem.
Sien julle daar!
Kommentar
Allgemeine Zeitung
Zu diesem Artikel wurden keine Kommentare hinterlassen