Tané en Lara-Nika laat hulle stemme hoor
Tané Hattingh (Gr. 12) en Lara-Nika Praetorius (Gr.11) was van kleins af lief vir die verhoog. Vanjaar neem hulle egter hul sangloopbane ’n treetjie verder en staan nou ook bekend as semifinaliste in die Voice of Namibia-kompetisie.
Tané is al lewenslank lief vir sing – of dit nou ‘n melodie in haar kop of ’n optrede voor ’n skare is. Sy het verskeie jare in die kerk gesing voordat sy uiteindelik in graad sewe by ‘n musiekskool aangesluit het om haar talent te slyp. Lara-Nika het vir die eerste keer op driejarige ouderdom op ‘n verhoog opgetree. Sy speel klavier vandat sy vyf jaar oud is, maar verkies deesdae haar stem as instrument.
Dié Affies het vanjaar ingeskryf vir die Voice of Namibia-sangkompetisie, wat in 2022 vir die vyfde keer aangebied word. Tané het as ‘n outomatiese semifinalis vir die kompetisie uit Kanaal 7 se Talentsoektog getree waar meer as 80 oudisievideo’s van regoor die land ontvang is. Sy en Lara-Nika (in ‘n pragoudisie) het gekwalifiseer om aan die semifinale op 1 Oktober 2022 deel te neem en hopelik uiteindelik aan die finaal wat die 12de November plaasvind.
Alhoewel hierdie die eerste keer is wat Tané aan ’n nasionale sangkompetisie deelneem, is sy geen vreemdeling vir Namibiese verhoë nie. Tané dans al dertien jaar lank en het talle kere aan die nasionale kampioenskappe deelgeneem. Lara-Nika het reeds in 2016 by die Skeppende Kunste Nasionale Kampioenskappe gekwalifiseer om in Suid-Afrika deel te neem die volgende jaar en het in 2018 aan die wêreldkampioenskappe in Los Angeles deelgeneem.
Tané laat die onderwerp van haar beroepskeuse aan die Here oor – sy sal Sy wil oor haar sangloopbaan aanvaar ongeag wat die beslissing is. Sy spreek dankbaarheid teenoor Alinda Lu’Mar, die stigter van Voice of Namibia, uit vir die geleentheid wat dié kompetisie aan Namibiese sangers bied. Netso voel Lara-Nika dat tyd sal leer oor haar potensiële musikale/sangloopbaan.
Die dogters meen dat hulle nog nie veel van die kompetisie ervaar nie, aangesien dit nog so vroeg in die verloop is. Hulle noem wel dat die atmosfeer en gees onder al die wonderlike talent in die land en die terugvoer op sosiale media merkwaardig is.
Tané glo dat ‘n mens jou Godgegewe talente terug aan die Here moet opdra, daarom sal sy enigiemand wat dink dat hulle ‘n sangtalent het sal aanmoedig om dit te gebruik. Hierdie soort kompetisie bied aan mense die geleentheid om hul horisonne te verbreed en uit hul gemaksone te tree – iets wat dié leerders sal aanraai dat enige jongmens doen.
Quote: “My ma het my nie aan die slaap gesing as kind nie; ek het háár aan die slaap gesing.” – Tané
“My ma het altyd gesê dat ek nooit gehuil het nie, maar altyd gesing het.” – Lara-Nika
Tané is al lewenslank lief vir sing – of dit nou ‘n melodie in haar kop of ’n optrede voor ’n skare is. Sy het verskeie jare in die kerk gesing voordat sy uiteindelik in graad sewe by ‘n musiekskool aangesluit het om haar talent te slyp. Lara-Nika het vir die eerste keer op driejarige ouderdom op ‘n verhoog opgetree. Sy speel klavier vandat sy vyf jaar oud is, maar verkies deesdae haar stem as instrument.
Dié Affies het vanjaar ingeskryf vir die Voice of Namibia-sangkompetisie, wat in 2022 vir die vyfde keer aangebied word. Tané het as ‘n outomatiese semifinalis vir die kompetisie uit Kanaal 7 se Talentsoektog getree waar meer as 80 oudisievideo’s van regoor die land ontvang is. Sy en Lara-Nika (in ‘n pragoudisie) het gekwalifiseer om aan die semifinale op 1 Oktober 2022 deel te neem en hopelik uiteindelik aan die finaal wat die 12de November plaasvind.
Alhoewel hierdie die eerste keer is wat Tané aan ’n nasionale sangkompetisie deelneem, is sy geen vreemdeling vir Namibiese verhoë nie. Tané dans al dertien jaar lank en het talle kere aan die nasionale kampioenskappe deelgeneem. Lara-Nika het reeds in 2016 by die Skeppende Kunste Nasionale Kampioenskappe gekwalifiseer om in Suid-Afrika deel te neem die volgende jaar en het in 2018 aan die wêreldkampioenskappe in Los Angeles deelgeneem.
Tané laat die onderwerp van haar beroepskeuse aan die Here oor – sy sal Sy wil oor haar sangloopbaan aanvaar ongeag wat die beslissing is. Sy spreek dankbaarheid teenoor Alinda Lu’Mar, die stigter van Voice of Namibia, uit vir die geleentheid wat dié kompetisie aan Namibiese sangers bied. Netso voel Lara-Nika dat tyd sal leer oor haar potensiële musikale/sangloopbaan.
Die dogters meen dat hulle nog nie veel van die kompetisie ervaar nie, aangesien dit nog so vroeg in die verloop is. Hulle noem wel dat die atmosfeer en gees onder al die wonderlike talent in die land en die terugvoer op sosiale media merkwaardig is.
Tané glo dat ‘n mens jou Godgegewe talente terug aan die Here moet opdra, daarom sal sy enigiemand wat dink dat hulle ‘n sangtalent het sal aanmoedig om dit te gebruik. Hierdie soort kompetisie bied aan mense die geleentheid om hul horisonne te verbreed en uit hul gemaksone te tree – iets wat dié leerders sal aanraai dat enige jongmens doen.
Quote: “My ma het my nie aan die slaap gesing as kind nie; ek het háár aan die slaap gesing.” – Tané
“My ma het altyd gesê dat ek nooit gehuil het nie, maar altyd gesing het.” – Lara-Nika
Kommentar
Allgemeine Zeitung
Zu diesem Artikel wurden keine Kommentare hinterlassen