Dis rotsvas, dis ‘n geologiese paradys
Namibië se vernaamste rotsformasies
'n Versteende woud, "orrelpype", meteoriete, 'n vingerklip en 'n "plek waar reuse gespeel het" – dit is enkele van die besonderse rotsformasies wat in Namibië besigtig kan word.
“Namibië, met sy baie ou, komplekse geologiese geskiedenis wat op manjifieke pieke ten toon gestel word, is ’n geoloog se paradys,” skryf Lon Abbot and Terri Cook in die tydskrif GeoExPro.
Inderdaad, Namibië spog met verskeie besonderse geologiese wonders en asemrowende rotsformasies – die fokus van die week, terwyl berge vir eers uitgesluit is.
Let wel, die artikel is slegs ter inligting en die onus rus op die leser om die regte toestemming en dokumentasie te bekom om die bestemmings te besoek.
WÜSTENQUELL
Wüstenquell, met sy fassinerende rotsformasies en uitsigte, San-tekeninge, sewe fonteine en kokerbome, is ’n besonderse ervaring.
Dis ’n private natuurreservaat net buite Karibib op die rand van die Namibwoestyn, en omring met reuse-granietklipformasies, wat bestaan uit veldspaat, kwarts en glimmer. Dit is die plek in die wêreld waar die meeste van dié tipe rotsformasies per vierkante kilometer (km²) voorkom.
Terwyl dit teenaan die Namib-Naukluft Nasionale Park grens, is dit ook die naaste oornagplek aan die Welwitschia-vlaktes op pad Swakopmund toe.
Soortgelyke klipformasies is ook langs die grondpad tussen Hentiesbaai en die dorp se ou soutmyn te sien – hoewel net die oplettendste oog dit sal raaksien.
BOGENFELS
Bogenfels is ’n merkwaardige rotsboog – ongeveer 95 km suid van Lüderitz en 32 km suid van Pomona – in die Sperrgebiet van Namibië. Dit beteken dit kan slegs met amptelik begeleide toere deur toergidse vanaf Lüderitz bereik word, buiten dat dit moeilik bereikbaar is.
Bogenfels is egter ’n natuurwonder en kry sy naam van ’n Duitse woord wat “rotsboog” beteken. Die hoogste punt van die boog is 55 m bo seespieël, en dit staan met een “voet” in die Atlantiese Oseaan en die ander in die sand van die Namibwoestyn. Dit is ook die tuiste van nog een van Namibië se spookdorpe wat aanvanklik danksy die diamante in die gebied gebou is, maar ná 1950 ontruim is en in ’n spookdorp verval het.
ROOIKLIP EN GROTTO
Rooiklip Gasteplaas het drie kampplekke wat die beste beskryf kan word as ’n kampplek binne ’n hol berg, of een onder ’n reuse-rotsoorhang.
Dié rotsformasies is suidwes van Windhoek aan die voet van Gamsberg geleë. Hierdie kampplekke herinner aan The Grotto in die Namib-Naukluft Nasional Park, net ’n ent verder, omdat dit ook ’n tipe “hol berg” vorm.
Die Grotto is egter van wit klipformasies gevorm en groot genoeg om verskeie voertuie binne te parkeer. In die omgewing is daar ook talle ander indrukwekkende koppies en klipformasies te sien.
VINGERKLIP
Die Vingerklip, wat sowat 80 km suidwes van Outjo of 50 km oos van Khorixas in die noordweste van die land geleë is, troon sowat 929 m bo seespieël uit. Tog is die klip self net sowat 38 m hoog en sy basis ’n omtrek van 44 m.
Sedert die baie bekende Mukurob in 1988 omgeval het, het die Vingerklip grootliks sy plek ingeneem as die vernaamste rotsformasie van sy soort in die land.
VERSTEENDE WOUD
Die noordooste van die land huisves ook die Versteende woud – sowat 50 km wes van Khorixas.
Hierdie is ’n versameling van enorme, versteende boomstompe wat sowat 280 miljoen jaar oud is.
Wetenskaplikes het vasgestel dat die bome miljoene jare gelede in ’n rivier afgespoel het toe een van die talle ystydperke op die Gondwana-vasteland tot ’n einde gekom het.
Die bome is toe deur sand en modder bedek en vir miljoene jare onder enorme druk geplaas – soveel so dat dit versteen het. Wind, weer en water het die boomstompe eindelik weer ontbloot.
ORRELPYPE
In die Brandberg-Twyfelfontein-gebied moet jy ook nie die sogenaamde “orrelpype” misloop nie – massiewe en stokou rotsformasies wat ook op die Gondwana-vasteland gevorm is.
Soos jy vanaf Khorixas na die Brandberg ry, is daar ’n afdraaipad na die orrelpype aan die linkerkant, net voor jy die berg bereik. Volg die pad na die magiese “orrelpyp vallei” wat sowat 150 miljoen jaar gelede gevorm is.
Die Verbrande berg is ook in die omgewing te sien.
HOBA-METEORIET
Die Hoba-meteoriet, wat vernoem is na die plaas Hoba-Wes waar dit ontdek is, is net buite Grootfontein te sien. Sover bekend, is dit die grootste meteoriet wat nog in een stuk is.
Die naam “Hoba” kom van ’n Khoekhoegowab-woord wat “geskenk” beteken. As gevolg van die meteoriet se gewig van ’n geraamde 60 ton, kon dit nog nooit verskuif word van waar dit geval het nie.
Dit is sowat twee keer so groot soos die grootste fragment van óf die Cape York-meteoriet se 31 ton Ahnighito wat in Manhattan gehou word óf die Campo del Cielo se 31 ton Gancedo in Argentinië.
Die Hoba-meteorietimpak het na bewering minder as 80 000 jaar gelede plaasgevind.
ANDER
Besonderse rotstekeninge asook nog interessanter rotsformasies is by onderskeidelik Twyfelfontein en die Spitzkoppe te sien.
Verder suid kan die indrukwekkende “Speelplek van die Reuse” tussen die kokerbome, sowat 14 km noordoos van Keetmanshoop, besoek word – wat ook sowat 180 miljoen jaar gelede gevorm is.
Bronne: www.info-namibia.com, www.geoexpro.com, www.gondwana-collection.com, www.namibia-accommodation.com.
Inderdaad, Namibië spog met verskeie besonderse geologiese wonders en asemrowende rotsformasies – die fokus van die week, terwyl berge vir eers uitgesluit is.
Let wel, die artikel is slegs ter inligting en die onus rus op die leser om die regte toestemming en dokumentasie te bekom om die bestemmings te besoek.
WÜSTENQUELL
Wüstenquell, met sy fassinerende rotsformasies en uitsigte, San-tekeninge, sewe fonteine en kokerbome, is ’n besonderse ervaring.
Dis ’n private natuurreservaat net buite Karibib op die rand van die Namibwoestyn, en omring met reuse-granietklipformasies, wat bestaan uit veldspaat, kwarts en glimmer. Dit is die plek in die wêreld waar die meeste van dié tipe rotsformasies per vierkante kilometer (km²) voorkom.
Terwyl dit teenaan die Namib-Naukluft Nasionale Park grens, is dit ook die naaste oornagplek aan die Welwitschia-vlaktes op pad Swakopmund toe.
Soortgelyke klipformasies is ook langs die grondpad tussen Hentiesbaai en die dorp se ou soutmyn te sien – hoewel net die oplettendste oog dit sal raaksien.
BOGENFELS
Bogenfels is ’n merkwaardige rotsboog – ongeveer 95 km suid van Lüderitz en 32 km suid van Pomona – in die Sperrgebiet van Namibië. Dit beteken dit kan slegs met amptelik begeleide toere deur toergidse vanaf Lüderitz bereik word, buiten dat dit moeilik bereikbaar is.
Bogenfels is egter ’n natuurwonder en kry sy naam van ’n Duitse woord wat “rotsboog” beteken. Die hoogste punt van die boog is 55 m bo seespieël, en dit staan met een “voet” in die Atlantiese Oseaan en die ander in die sand van die Namibwoestyn. Dit is ook die tuiste van nog een van Namibië se spookdorpe wat aanvanklik danksy die diamante in die gebied gebou is, maar ná 1950 ontruim is en in ’n spookdorp verval het.
ROOIKLIP EN GROTTO
Rooiklip Gasteplaas het drie kampplekke wat die beste beskryf kan word as ’n kampplek binne ’n hol berg, of een onder ’n reuse-rotsoorhang.
Dié rotsformasies is suidwes van Windhoek aan die voet van Gamsberg geleë. Hierdie kampplekke herinner aan The Grotto in die Namib-Naukluft Nasional Park, net ’n ent verder, omdat dit ook ’n tipe “hol berg” vorm.
Die Grotto is egter van wit klipformasies gevorm en groot genoeg om verskeie voertuie binne te parkeer. In die omgewing is daar ook talle ander indrukwekkende koppies en klipformasies te sien.
VINGERKLIP
Die Vingerklip, wat sowat 80 km suidwes van Outjo of 50 km oos van Khorixas in die noordweste van die land geleë is, troon sowat 929 m bo seespieël uit. Tog is die klip self net sowat 38 m hoog en sy basis ’n omtrek van 44 m.
Sedert die baie bekende Mukurob in 1988 omgeval het, het die Vingerklip grootliks sy plek ingeneem as die vernaamste rotsformasie van sy soort in die land.
VERSTEENDE WOUD
Die noordooste van die land huisves ook die Versteende woud – sowat 50 km wes van Khorixas.
Hierdie is ’n versameling van enorme, versteende boomstompe wat sowat 280 miljoen jaar oud is.
Wetenskaplikes het vasgestel dat die bome miljoene jare gelede in ’n rivier afgespoel het toe een van die talle ystydperke op die Gondwana-vasteland tot ’n einde gekom het.
Die bome is toe deur sand en modder bedek en vir miljoene jare onder enorme druk geplaas – soveel so dat dit versteen het. Wind, weer en water het die boomstompe eindelik weer ontbloot.
ORRELPYPE
In die Brandberg-Twyfelfontein-gebied moet jy ook nie die sogenaamde “orrelpype” misloop nie – massiewe en stokou rotsformasies wat ook op die Gondwana-vasteland gevorm is.
Soos jy vanaf Khorixas na die Brandberg ry, is daar ’n afdraaipad na die orrelpype aan die linkerkant, net voor jy die berg bereik. Volg die pad na die magiese “orrelpyp vallei” wat sowat 150 miljoen jaar gelede gevorm is.
Die Verbrande berg is ook in die omgewing te sien.
HOBA-METEORIET
Die Hoba-meteoriet, wat vernoem is na die plaas Hoba-Wes waar dit ontdek is, is net buite Grootfontein te sien. Sover bekend, is dit die grootste meteoriet wat nog in een stuk is.
Die naam “Hoba” kom van ’n Khoekhoegowab-woord wat “geskenk” beteken. As gevolg van die meteoriet se gewig van ’n geraamde 60 ton, kon dit nog nooit verskuif word van waar dit geval het nie.
Dit is sowat twee keer so groot soos die grootste fragment van óf die Cape York-meteoriet se 31 ton Ahnighito wat in Manhattan gehou word óf die Campo del Cielo se 31 ton Gancedo in Argentinië.
Die Hoba-meteorietimpak het na bewering minder as 80 000 jaar gelede plaasgevind.
ANDER
Besonderse rotstekeninge asook nog interessanter rotsformasies is by onderskeidelik Twyfelfontein en die Spitzkoppe te sien.
Verder suid kan die indrukwekkende “Speelplek van die Reuse” tussen die kokerbome, sowat 14 km noordoos van Keetmanshoop, besoek word – wat ook sowat 180 miljoen jaar gelede gevorm is.
Bronne: www.info-namibia.com, www.geoexpro.com, www.gondwana-collection.com, www.namibia-accommodation.com.
Kommentar
Allgemeine Zeitung
Zu diesem Artikel wurden keine Kommentare hinterlassen