Kadila wil plaaslike pluimveebedryf beskerm
Geleentheid om uitvoermarkte te betree
Die tweede grootste braaikuikenprodusent het sy deure by Okahandja oopgemaak.
Deur meer van ons eie pluimvee te produseer, verminder ons ons afhanklikheid van invoer, hou meer rykdom binne ons grense, en versterk ons ??ons voedselvoorsieningsketting.
Dit was die boodskap van die minister van landbou, water en grondhervorming, Calle Schlettwein, met die opening van Kadila Poultry Farming, sowat 10 km suid van Okahandja.
In sy afwesigheid is sy toespraak deur dr. Albertina Shilongo, die hoof van die direktoraat van veeartsenydienste, voorgelees.
“Ons landbousektor was nog altyd die ruggraat van ons ekonomie en verskaf voedsel, werk en hoop aan talle Namibiese families. Vandag neem ons ’n beslissende stap om ons voedselsekerheid te verbeter, werk te skep en ons gemeenskappe te bemagtig.”
Schlettwein sê pluimveeboerdery is nie net daarop ingestel om broodnodige werksgeleenthede te skep nie, maar het ook ten doel om Namibië se voedselmandjie met pluimveeprodukte te versterk.
“Vandag open ons nie net ’n nuwe pluimveeplaas nie; ons vier die gees van entrepreneurskap, innovasie en privaatsektor-inisiatief wat ons nasie vorentoe dryf. “Namibië is lankal reeds ’n land ryk aan potensiaal, geseën met natuurlike hulpbronne en hardwerkende mense.”
Hy doen ’n beroep op die Landbouprodusente en Produkteraad van Namibië (LLPBN), die ministerie van nywerheidsontwikkeling en handel en alle rolspelers in die bedryf om te verseker dat daar ’n robuuste plaaslike mark vir plaaslike produksie is.
“Dit is van kardinale belang dat ons Namibiese produkte prioritiseer en ondersteun, wat ’n selfversorgende en florerende landbousektor bevorder.”
Schlettwein doen ook ’n beroep op die direktoraat van veeartsenydienste om voort te gaan met sy waardevolle werk om die uitvoer van Namibiese pluimvee na die Europese Unie te ondersteun.
BESKERM PLUIMVEESEKTOR
“Ons moet die Namibiese pluimveesektor beskerm, in plaas daarvan om Brasiliaanse hoender in te voer, het die medestigter van Kadila, Paolo Shipoke, benadruk.
Hy het bevestig dat die hoenderplaas binnekort die tweede grootste braaikuikenprodusent in die land sal wees met ses reuse-skure wat hoendervleis van 400 ton sal produseer.
Volgens Immanuel Khadila, die besturende direkteur van EOS Capital, het Namibië verlede jaar landbouprodukte ter waarde van N$22 miljard ingevoer, wat gelykstaande is aan meer as 80% van die land se landbouverbruik.
“Hierdie syfer beklemtoon ons afhanklikheid van eksterne bronne vir noodsaaklike goedere en dui op die dringende behoefte om ons binnelandse landbouvermoëns te verbeter.
“Intussen sukkel 1,4 miljoen Namibiërs steeds met hongersnood, ’n werklikheid wat die belangrikheid van die verbetering van plaaslike voedselproduksie verder beklemtoon om voedselsekerheid te bereik en die lewensgehalte van ons burgers te verbeter.”
Khadila sê ongelukkig word minder as 5% van die nasionale begroting aan landbou toegewys.
“Die landbousektor het 25% van Namibië se arbeidsmag in diens en boonop het hierdie sektor sterk groei getoon en het sedert 2010 teen ’n koers van 10% jaar-tot-jaar uitgebrei. Sulke konsekwente groei dui op die potensiaal wat, indien voldoende ondersteuning ontvang word, kan lei tot selfs groter ekonomiese voordele,” het hy gesê.
“Deur te prioritiseer en in ons landbousektor te belê, kan ons beduidende sosioëkonomiese vooruitgang dryf, ons afhanklikheid van invoer verminder en ’n veiliger en voorspoediger toekoms vir alle Namibiërs verseker.”
BELê IN NAMIBIë, VIR NAMIBIë
Khadila sê dit is juis waarom EOS Capital die Euphrate Agri-fonds gestig het, die eerste en enigste landboufonds in Namibië, wat reeds in twee baanbrekers-landboumaatskappye belê het, naamlik Cherry Irrigation en Kadila Poultry Farming.
Hy sê Kadila Poultry is ’n 100% Namibiese braaihoenderprodusent met die kapasiteit om aanvanklik 400 ton hoendervleis per maand te produseer.
“Hierdie vlak van produksie gaan nie net daaroor om aan die plaaslike vraag te voldoen nie, maar ook om tot voedselsekerheid in die land by te dra. Gedurende die konstruksiefase alleen het Kadila meer as 50 plaaslike mense in diens geneem wat plaaslike gemeenskappe ondersteun. Sodra dit ten volle in werking is, sal Kadila na verwagting meer as 350 direkte en indirekte voltydse werksgeleenthede skep.”
“Kom ons belê in Namibië, vir Namibië,” het hy afgesluit.
Louis Kleynhans, die voorsitter van die Pluimveeprodusentevereniging, sê ondanks uitdagings in die bedryf soos hoë voerkoste en water- en elektrisiteitstariewe; die impak van die wisselkoers op boumateriaal en pluimveetoerusting; die uitbreek van voëlgriep – wat die hele pluimveebedryf kan uitwis; ’n gebrek aan behoorlike biosekuriteit; droogte en toestroming van goedkoop ingevoerde pluimveeprodukte, skrik dit nie produsente af nie.
“En daar is ’n geleentheid om uitvoermarkte te betree wat tot meer beleggings kan lei.”
Dit is deur die waarnemende adjunkdirekteur van beplanning, bemarking en administrasie in die landbouministerie, Mesag Mulunga, beaam wat verseker het dat oorsese markte beskikbaar is.
– [email protected]
Dit was die boodskap van die minister van landbou, water en grondhervorming, Calle Schlettwein, met die opening van Kadila Poultry Farming, sowat 10 km suid van Okahandja.
In sy afwesigheid is sy toespraak deur dr. Albertina Shilongo, die hoof van die direktoraat van veeartsenydienste, voorgelees.
“Ons landbousektor was nog altyd die ruggraat van ons ekonomie en verskaf voedsel, werk en hoop aan talle Namibiese families. Vandag neem ons ’n beslissende stap om ons voedselsekerheid te verbeter, werk te skep en ons gemeenskappe te bemagtig.”
Schlettwein sê pluimveeboerdery is nie net daarop ingestel om broodnodige werksgeleenthede te skep nie, maar het ook ten doel om Namibië se voedselmandjie met pluimveeprodukte te versterk.
“Vandag open ons nie net ’n nuwe pluimveeplaas nie; ons vier die gees van entrepreneurskap, innovasie en privaatsektor-inisiatief wat ons nasie vorentoe dryf. “Namibië is lankal reeds ’n land ryk aan potensiaal, geseën met natuurlike hulpbronne en hardwerkende mense.”
Hy doen ’n beroep op die Landbouprodusente en Produkteraad van Namibië (LLPBN), die ministerie van nywerheidsontwikkeling en handel en alle rolspelers in die bedryf om te verseker dat daar ’n robuuste plaaslike mark vir plaaslike produksie is.
“Dit is van kardinale belang dat ons Namibiese produkte prioritiseer en ondersteun, wat ’n selfversorgende en florerende landbousektor bevorder.”
Schlettwein doen ook ’n beroep op die direktoraat van veeartsenydienste om voort te gaan met sy waardevolle werk om die uitvoer van Namibiese pluimvee na die Europese Unie te ondersteun.
BESKERM PLUIMVEESEKTOR
“Ons moet die Namibiese pluimveesektor beskerm, in plaas daarvan om Brasiliaanse hoender in te voer, het die medestigter van Kadila, Paolo Shipoke, benadruk.
Hy het bevestig dat die hoenderplaas binnekort die tweede grootste braaikuikenprodusent in die land sal wees met ses reuse-skure wat hoendervleis van 400 ton sal produseer.
Volgens Immanuel Khadila, die besturende direkteur van EOS Capital, het Namibië verlede jaar landbouprodukte ter waarde van N$22 miljard ingevoer, wat gelykstaande is aan meer as 80% van die land se landbouverbruik.
“Hierdie syfer beklemtoon ons afhanklikheid van eksterne bronne vir noodsaaklike goedere en dui op die dringende behoefte om ons binnelandse landbouvermoëns te verbeter.
“Intussen sukkel 1,4 miljoen Namibiërs steeds met hongersnood, ’n werklikheid wat die belangrikheid van die verbetering van plaaslike voedselproduksie verder beklemtoon om voedselsekerheid te bereik en die lewensgehalte van ons burgers te verbeter.”
Khadila sê ongelukkig word minder as 5% van die nasionale begroting aan landbou toegewys.
“Die landbousektor het 25% van Namibië se arbeidsmag in diens en boonop het hierdie sektor sterk groei getoon en het sedert 2010 teen ’n koers van 10% jaar-tot-jaar uitgebrei. Sulke konsekwente groei dui op die potensiaal wat, indien voldoende ondersteuning ontvang word, kan lei tot selfs groter ekonomiese voordele,” het hy gesê.
“Deur te prioritiseer en in ons landbousektor te belê, kan ons beduidende sosioëkonomiese vooruitgang dryf, ons afhanklikheid van invoer verminder en ’n veiliger en voorspoediger toekoms vir alle Namibiërs verseker.”
BELê IN NAMIBIë, VIR NAMIBIë
Khadila sê dit is juis waarom EOS Capital die Euphrate Agri-fonds gestig het, die eerste en enigste landboufonds in Namibië, wat reeds in twee baanbrekers-landboumaatskappye belê het, naamlik Cherry Irrigation en Kadila Poultry Farming.
Hy sê Kadila Poultry is ’n 100% Namibiese braaihoenderprodusent met die kapasiteit om aanvanklik 400 ton hoendervleis per maand te produseer.
“Hierdie vlak van produksie gaan nie net daaroor om aan die plaaslike vraag te voldoen nie, maar ook om tot voedselsekerheid in die land by te dra. Gedurende die konstruksiefase alleen het Kadila meer as 50 plaaslike mense in diens geneem wat plaaslike gemeenskappe ondersteun. Sodra dit ten volle in werking is, sal Kadila na verwagting meer as 350 direkte en indirekte voltydse werksgeleenthede skep.”
“Kom ons belê in Namibië, vir Namibië,” het hy afgesluit.
Louis Kleynhans, die voorsitter van die Pluimveeprodusentevereniging, sê ondanks uitdagings in die bedryf soos hoë voerkoste en water- en elektrisiteitstariewe; die impak van die wisselkoers op boumateriaal en pluimveetoerusting; die uitbreek van voëlgriep – wat die hele pluimveebedryf kan uitwis; ’n gebrek aan behoorlike biosekuriteit; droogte en toestroming van goedkoop ingevoerde pluimveeprodukte, skrik dit nie produsente af nie.
“En daar is ’n geleentheid om uitvoermarkte te betree wat tot meer beleggings kan lei.”
Dit is deur die waarnemende adjunkdirekteur van beplanning, bemarking en administrasie in die landbouministerie, Mesag Mulunga, beaam wat verseker het dat oorsese markte beskikbaar is.
– [email protected]
Kommentar
Allgemeine Zeitung
Zu diesem Artikel wurden keine Kommentare hinterlassen