Stedelike landbou bevorder
AfriFoodLinks kom byeen
Stad Windhoek wil gemeenskapstuine vestig en implementeer waterdoeltreffende besproeiingstelsels om waterskaarste te takel.
Die munisipale raad van Windhoek het 12 afgevaardigdes van AfriFoodLinks en ’n konsortium van susterstede, insluitend Milaan, en Afrikastede Chefchaoun, Kisumu en Kaapstad verwelkom.
“Die werkwinkel het ten doel om wedersydse uitruiling van kennis en vaardighede te stimuleer op die gebied van stedelike voedsel- en voedingstelselverbetering, samewerking en innovasie,” het die voorsitter van die raadgewende komitee oor ekonomiese ontwikkeling, openbare veiligheid en burgerlike welsyn, Austin Kwenani, gesê.
“Stedelike landbou bied aan ons unieke geleenthede om te verken hoe ander stede die weg na ’n groener, meer veerkragtige toekoms baan.”
Die werkwinkel het ’n platform verskaf vir dialoog en die deel van vaardighede in stedelike landbou, met die fokus op die bevordering van voedselsekuriteit, ekonomiese ontwikkeling en omgewingsvolhoubaarheid.
Kwenani het Windhoek se grondverskuiwende inisiatiewe beklemtoon, veral die Plaas Okukuna-projek wat in 2017 gestig is. Hy sê ondanks hulpbronbeperkings, bly Windhoek daartoe verbind om volhoubare oplossings te vind en vennootskappe te smee om stedelike landbou-uitdagings te takel. Hy het inisiatiewe, soos onder meer daktuine en hidroponika, uitgelig om beperkte ruimtegebruik ten volle te benut.
Daarbenewens bevorder die stad gemeenskapstuine en implementeer waterdoeltreffende besproeiingstelsels om waterskaarste te takel en veerkragtigheid te bevorder.
Die geleentheid het ook die aanstelling van die Unam-student, Kayla Cordom, as Stad Windhoek se jeugambassadeur onder die AfrifoodLinks City Exchange-program bekend gestel.
“Met meer as 20 jeugambassadeurs van oraloor die wêreld onder hierdie program om die stemme van die jeug te versterk, is samewerking tussen oud en jonk belangrik om verandering mee te bring.
Die AfrifoodLink-projek kan Windhoek en ander stede oraloor die wêreld help om volhoubare stede te word,” het Cordom gesê.
Die werkwinkel, in lyn met die nasionale beleid vir voedselsekerheid en voeding, het gepleit vir slim vennootskappe om voedselsekerheid en voeding op huishoudelike en gemeenskapsvlak te verbeter. Kwenani het deelnemers geprys vir hul toewyding om voedselstelsels te transformeer om meer inklusief en toeganklik te wees.
Hy het belanghebbendes aangemoedig om die potensiaal van stedelike landbou te benut om uitdagings van vinnige verstedeliking, klimaatsverandering en voedselonsekerheid, te versag.
Die afvaardiging het onder meer die Landboubemarkings- en Handelsagentskap (Amta) besoek om die plaaslike stedelike landbouvoedselstelsel beter te verstaan.
– [email protected]
“Die werkwinkel het ten doel om wedersydse uitruiling van kennis en vaardighede te stimuleer op die gebied van stedelike voedsel- en voedingstelselverbetering, samewerking en innovasie,” het die voorsitter van die raadgewende komitee oor ekonomiese ontwikkeling, openbare veiligheid en burgerlike welsyn, Austin Kwenani, gesê.
“Stedelike landbou bied aan ons unieke geleenthede om te verken hoe ander stede die weg na ’n groener, meer veerkragtige toekoms baan.”
Die werkwinkel het ’n platform verskaf vir dialoog en die deel van vaardighede in stedelike landbou, met die fokus op die bevordering van voedselsekuriteit, ekonomiese ontwikkeling en omgewingsvolhoubaarheid.
Kwenani het Windhoek se grondverskuiwende inisiatiewe beklemtoon, veral die Plaas Okukuna-projek wat in 2017 gestig is. Hy sê ondanks hulpbronbeperkings, bly Windhoek daartoe verbind om volhoubare oplossings te vind en vennootskappe te smee om stedelike landbou-uitdagings te takel. Hy het inisiatiewe, soos onder meer daktuine en hidroponika, uitgelig om beperkte ruimtegebruik ten volle te benut.
Daarbenewens bevorder die stad gemeenskapstuine en implementeer waterdoeltreffende besproeiingstelsels om waterskaarste te takel en veerkragtigheid te bevorder.
Die geleentheid het ook die aanstelling van die Unam-student, Kayla Cordom, as Stad Windhoek se jeugambassadeur onder die AfrifoodLinks City Exchange-program bekend gestel.
“Met meer as 20 jeugambassadeurs van oraloor die wêreld onder hierdie program om die stemme van die jeug te versterk, is samewerking tussen oud en jonk belangrik om verandering mee te bring.
Die AfrifoodLink-projek kan Windhoek en ander stede oraloor die wêreld help om volhoubare stede te word,” het Cordom gesê.
Die werkwinkel, in lyn met die nasionale beleid vir voedselsekerheid en voeding, het gepleit vir slim vennootskappe om voedselsekerheid en voeding op huishoudelike en gemeenskapsvlak te verbeter. Kwenani het deelnemers geprys vir hul toewyding om voedselstelsels te transformeer om meer inklusief en toeganklik te wees.
Hy het belanghebbendes aangemoedig om die potensiaal van stedelike landbou te benut om uitdagings van vinnige verstedeliking, klimaatsverandering en voedselonsekerheid, te versag.
Die afvaardiging het onder meer die Landboubemarkings- en Handelsagentskap (Amta) besoek om die plaaslike stedelike landbouvoedselstelsel beter te verstaan.
– [email protected]
Kommentar
Allgemeine Zeitung
Zu diesem Artikel wurden keine Kommentare hinterlassen