Só werk die EU se ontbossingsregulasies

Houtskoolprodusente het verlede week met die goewerneur van die Kunenestreek, Marius Sheya, en die bosboudirekteur in die omgewingsministerie, Johnson Ndokosho, op Outjo vergader om die kwessie te bespreek oor die opskorting einde Mei van vervoer- en uitvoerpermitte van houtskool. Volgens ’n brief aan die omgewingsministerie is meer as 160 produsente en 8 000 houtskoolwerkers se inkomste in gedrang weens die opskorting. Volgens die uitvoerende hoof van die Houtskoolvereniging van Namibië (CAoN), Michael Degé, het die vergadering positief afgeloop en verskeie houtskoolprodusente het weer hul permitte gekry.Een produsent van Outjo het aan Agri Monitor gesê sy permitte is uiteindelik na tien weke weer aan hom uitgereik. Dit volg nadat onwettige mopanie-oeste in die streek plaasgevind het en inspeksies eers op plase vir goedkeuring gedoen moes word. Sheya het aan produsente bevestig dat voertuie vir inspeksies beskikbaar gestel sal word. Ndokosho het benadruk houtskoolproduksie word deur die bosbouwet en sy regulasies gereguleer. “Die ministerie pas die wet toe om te verseker dat die welstand van die omgewing vir die huidige en toekomstige geslagte bewaar word. “Waar ontbossing en onvolhoubare hout-oeste plaasvind, sal ons dit streng toepas,” het hy aan Agri Monitor beklemtoon.ONTBOSSINGSREGULASIESIntussen word die Europese Unie (EU) se ontbossingsregulasies (EUDR) die raamwerk vir die EU se pogings om wêreldwye ontbossing, wat verband hou met sekere landboukommoditeite, te bekamp. Met houtskool wat in hierdie kategorie val, het dit ook ’n beduidende impak op Namibië.Hierdie regulasie, wat op 1 Januarie 2025 in werking sal tree, sal ingestel word op elke land met verskeie hoë-impak kommoditeite wat bekend is daarvoor dat hulle wêreldwyd ontbossing aandryf: Beeste, kakao, koffie, palmolie, soja, rubber en hout (insluitend houtskool).’n EU-afvaardiging sal Namibië gedurende Augustus vanjaar besoek om ’n risiko-ondersoek te doen om die land se risikokategorie te bepaal, volgens die Namibië Landbou-unie (NLU) se weeklikse nuusbrief.Degé het die besoek aan Agri Monitor bevestig. Die EUDR is van toepassing op alle EU-lidlande, insluitend Oostenryk, België, Bulgarye, Kroasië, Ciprus, Tsjeggiese Republiek, Denemarke, Estland, Finland, Frankryk, Duitsland, Griekeland,Hongarye, Ierland, Italië, Letland, Litaue, Luxemburg, Malta, Nederland, Pole, Portugal, Roemenië, Slowakye, Slowenië, Spanje en Swede.VEREISTESDie regulasie vereis ’n streng omsigtigheidsproses waaraan beide produsente en handelaars moet voldoen:1. Woudomsigtigheid (Forest Due Diligence): Produkte moet ná 31 Desember 2020 van grond kom wat vry is van ontbossing. Vir houtprodukte moet agteruitgang nie ná dieselfde datum plaasgevind het nie.2. Die produksiegebied moet gekarteer word: Geoverwysings van produksiegebiede is verpligtend om die naspeurbaarheid en wettigheid te verseker.3. Wetlike nakoming: Gewaarborgde grondbesit, bewaring van die biodiversiteit, en respek vir arbeidsregte is noodsaaklik. Die regulasie beklemtoon die nakoming van belastingwette, teenkorrupsiemaatreëls en die regte van inheemse volke.Die naspeurbaarheid van oorsprong tot by die EU-mark word vereis, insluitend enige lande waardeur die produkte beweeg. Dit behels gedetailleerde inligting oor GPS-koördinate en wettige afkoms.DIE PROSESDie proses bestaan uit vier hoofstappe:Stap 1: Insameling van inligting oor die produk se oorsprong, hoeveelheid en besonderhede rondom die voorsieningsketting.Stap 2: Risikobepaling om potensiële ontbossingsrisiko’s wat met die land van produksie verband hou, te evalueer.Stap 3: Risikoversagting waar nodig, om te verseker dat maatreëls geïmplementeer word om geïdentifiseerde risiko’s te verminder.Stap 4: Geoverwysing om die presiese liggings en paaie van produksie en voorsiening uit te stippel.Operateurs of handelaars wat produkte aan die EU-mark bekend stel, moet ’n omsigtigheidsverklaring indien via die EUDR se aangewese inligtingstelsel. Hierdie verklaring sluit in:&bull; Omvattende produkinligting;&bull; Bewyse van ontbossingvrye en wettige produksie;&bull; Risikobepalings en versagtingsmaatreëls wat geïmplementeer is.In gevalle waar die eerste operateur of handelaar nie ’n EU-geregistreerde entiteit is nie, aanvaar die eerste wettig geregistreerde EU-entiteit in die voorsieningsketting die verantwoordelikheid.Hierdie EUDR-maatreëls skep ’n stap in die rigting van volhoubare handelspraktyke binne die EU, met die doel om die omgewingsimpak van ingevoerde kommoditeite te verminder. Deur streng omsigtigheidsmaatreëls af te dwing, het die regulasie ten doel om nie net woude en biodiversiteit te beskerm nie, maar ook om billike arbeidspraktyke en bestuursintegriteit wêreldwyd te bevorder."Soos die implementeringsdatum nader, word belanghebbendes in die voorsieningsketting aangemoedig om aan hierdie streng standaarde te voldoen, wat deursigtigheid en aanspreeklikheid in internasionale handelspraktyke verseker,” versoek die NLU. – francoise@nmh.com.na

Só werk die EU se ontbossingsregulasies

Kommentar

Allgemeine Zeitung 2024-12-25

Bitte melden Sie sich an, um einen Kommentar zu hinterlassen

Só werk die EU se ontbossingsregulasies

Kommentar

Allgemeine Zeitung 2024-12-25

Bitte melden Sie sich an, um einen Kommentar zu hinterlassen

ANMELDUNG