Voedselpryse daal in Augustus
Internasionale kommoditeitspryse vir voedsel het in Augustus gedaal, gelei deur prysverlagings in basiese voedselsoorte – met die uitsondering van rys en suiker.
Dit aldus die Voedsel- en Landbou-organisasie van die Verenigde Nasies (FAO).
Die FAO se voedselprysindeks, wat maandelikse veranderinge in internasionale pryse van voedselkommoditeite weerspieël, het in Augustus op sowat 121,4 punte gestaan. Dit is 2,1% laer as Julie en soveel as 24% % onder sy piek in Maart 2022.
Die FAO se groente- en olieprysindeks het in Augustus met 3,1% afgeneem, nadat dit ’n skerp styging van 12,1% in Julie ervaar het. Wêreldpryse vir sonneblomolie het met byna 8% gedaal as gevolg van ’n swakker internasionale vraag daarna en oorvloedige beskikbaarheid daarvan onder die grootste uitvoerders.
Die FAO se graanprysindeks het met 0,7% vanaf Julie gedaal. Internasionale koringpryse het in Augustus met 3,8 % gesak as gevolg van hoër seisoenale beskikbaarheid onder die wêreld se voorste uitvoerders, terwyl internasionale graanpryse met 3,4% gedaal het terwyl voorraad wêreldwyd hoog is vanweë ’n rekordoes in Brasilië en die naderende oestyd in Amerika.
Die FAO se suiwelprysindeks het met 4,0% vanaf Julie gesak, gedryf deur internasionale pryse vir melkpoeier, waarvan daar ’n oorvloed uit Oseanië beskikbaar is. Internasionale botter- en kaaspryse het ook gedaal, deels as gevolg van ’n trae mark, wat verband hou met die somervakansie in Europa.
Die FAO se vleisprysindeks het met 3,0% gedaal. Die wêreldpryse vir skaap het die ergste gesak, hoofsaaklik omdat Australië ’n groter beskikbaarheid daarvan gehad het en China ’n kleiner vraag gehandhaaf het. Sterk reserwes van vark-, pluimvee- en beesvleis het wêreldwye pryse ook laat afneem.
– [email protected]
Dit aldus die Voedsel- en Landbou-organisasie van die Verenigde Nasies (FAO).
Die FAO se voedselprysindeks, wat maandelikse veranderinge in internasionale pryse van voedselkommoditeite weerspieël, het in Augustus op sowat 121,4 punte gestaan. Dit is 2,1% laer as Julie en soveel as 24% % onder sy piek in Maart 2022.
Die FAO se groente- en olieprysindeks het in Augustus met 3,1% afgeneem, nadat dit ’n skerp styging van 12,1% in Julie ervaar het. Wêreldpryse vir sonneblomolie het met byna 8% gedaal as gevolg van ’n swakker internasionale vraag daarna en oorvloedige beskikbaarheid daarvan onder die grootste uitvoerders.
Die FAO se graanprysindeks het met 0,7% vanaf Julie gedaal. Internasionale koringpryse het in Augustus met 3,8 % gesak as gevolg van hoër seisoenale beskikbaarheid onder die wêreld se voorste uitvoerders, terwyl internasionale graanpryse met 3,4% gedaal het terwyl voorraad wêreldwyd hoog is vanweë ’n rekordoes in Brasilië en die naderende oestyd in Amerika.
Die FAO se suiwelprysindeks het met 4,0% vanaf Julie gesak, gedryf deur internasionale pryse vir melkpoeier, waarvan daar ’n oorvloed uit Oseanië beskikbaar is. Internasionale botter- en kaaspryse het ook gedaal, deels as gevolg van ’n trae mark, wat verband hou met die somervakansie in Europa.
Die FAO se vleisprysindeks het met 3,0% gedaal. Die wêreldpryse vir skaap het die ergste gesak, hoofsaaklik omdat Australië ’n groter beskikbaarheid daarvan gehad het en China ’n kleiner vraag gehandhaaf het. Sterk reserwes van vark-, pluimvee- en beesvleis het wêreldwye pryse ook laat afneem.
– [email protected]
Kommentar
Allgemeine Zeitung
Zu diesem Artikel wurden keine Kommentare hinterlassen